Сайтка кириу

Өзбекистан Жаслар аўқамы Тахтакөпир районлық Кеңес мәжлиси ҳаққында

DSC_0149

Ҳәммемизге белгили Ҳүрметли Президентимиз басламасы менен “Камолот” жаслар жәмийетлик ҳәрекети Өзбекистан жаслар аўқамы болып қайта дүзилди.

         Усы жылдың 5-июль күни Өзбекистан Республикасы Президентиниң «Жасларға тийисли мәмлекет сиясаты нәтийжелилигин арттырыў ҳәм Өзбекистан жаслар аўқамы хызметин қоллап-қуўатлаў ҳаққында»ғы Пәрманы тастыйықланды. Бул ҳүжжет жасларымыз турмысында әҳмийетли орын ийелеўи сөзсиз.

Пәрманда белгиленген ўазыйпалардың орынланыўын тәмийинлеў мақсетинде 2017-жыл 31-июль күни Тахтакөпир районы Балалар музыка ҳәм көркем-өнер мектебинде Өзбекистан Жаслар аўқамы Тахтакөпир районлық Кеңес мәжилиси өткерилди.

         Кеңес мәжилисине Қарақалпақстан Республикасы Министрлер Кеңесиниң баслығы орынбасары Әлеўов Мақсет Шарибаевич, Өзбекистан Жаслар аўқамы Карақалпақстан Республикалық Кеңеси баслығы Данияров Абат Сапарбаевич, Тахтакөпир районы ҳәкиминиң жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары Генжемуратов Оразбай  Алламбергенович ҳәм районның белсенди жаслары, бир қатар мекеме, шөлкемлер басшылары ҳәм ғалаба хабар қураллары ўәкиллери қатнасты.

          Кеңес мәжилиси күн тәртибине шөлкемлестириў мәселеси қаралып, Өзбекистан жаслар аўқамы Тахтакөпир районлық Кеңеси баслығын сайлаў ҳәм Атқарыў комитети қурамын тастыйықлаў ҳаққында мәселелер қарап шығылды.

          Өзбекистан жаслар аўқамы Тахтакөпир районлық Кеңеси баслығы етип Нагимов Таран Бахбергенович сайланды.

DSC_0159

DSC_0168

DSC_0169

DSCN0263