Сайтка кириу

Салык төлеўшиниң идентификация номерин (ИНН) алыў қолайластырылды.

ϴзбекстан Республикасы Министрлер Кабинетиниң 2018-жыл 13-октябрь күнги 823-санлы қарары менен Мәмлекетлик хызметлер орайлары арқалы салык төлеўшиниң идентификация номери алыў бойынша мәмлекетлик хызметин көрсетиўдиң ҳәкимшилик регламенти тастыйықланды.

Бул регламент физикалық шахсларды Мәмлекетлик хызметлер орайлары арқалы мәмлекетлик салық хызмети органларында есапқа қойыў, оларға салық төлеўшиниң идентификация номерин (СТИР) бериў бойынша мәмлекетлик хызмет көрсетиў тәртибин белгилейди.

Мәмлекетлик хызмет Мәмлекетлик хызметлер орайлары, Өзбекстан Республикасы Бирден-бир интерактив мәмлекетлик хызметлер порталы яки Өзбекстан Республикасы Мәмлекетлик салық комитетиниң рәсмий веб-сайты арқалы Өзбекстан Республикасы Мәмлекетлик салық комитети (кейинги орынларда ўәкилликли орган деп аталады) тәрепинен көрсетиледи.

Арза бериўши Мәмлекетлик хызметтен пайдаланыў ушын Мәмлекетлик хызметлер орайларына өзи келген ҳалда яки мәмлекетлик хызметтен электрон тәризде пайдаланыў ушын Бирден-бир интерактив мәмлекетлик хызметлер порталында дизимнен өтеди яки Өзбекстан Республикасы Мәмлекетлик салық комитетиниң расмий веб-сайты арқалы мүражат етеди.

Мәмлекетлик хызметлер орайына келип мүражат еткенде Мәмлекетлик хызметлер орайы қәнигеси мүрәжат ийеси атынан, Бирден-бир интерактив мәмлекетлик хызметлер порталы арқалы мүрәжат еткенде мүрәжат етиўши ғәрезсиз рәўиште мәмлекетлик хызметлерден пайдаланыў ҳаққындағы сораўнаманы толтырады.

Сораўнама толтырылғаннан соң Мәмлекетлик хызметлер орайы қанигеси сораўнаманы шығарады ҳәм мүражаат ийесине береди. Мүражаат ийеси мағлыўматлардың туўрылығын тексерип, сораўнаманы өз имзасы менен тастыйықлайды. Сораўнамаға мүражаат ийесиниң паспорт нусқасы қосымша қылынады.

 Арза бериўши Мәмлекетлик хызметлер орайына келип мүражаат еткенде оның сораўнамасы Мәмлекетлик хызметлер орайы қанигеси тәрепинен толтырылып, арза бериўшиниң имзасы менен тастыйықланғаннан соң, паспорт нусқасы қосымша қылынып, Мәмлекетлик хызметлер орайы қәнигесиниң ЭСИ менен тастыйықлаған ҳалда 10 минут ишинде ўәкилликли органға электрон тәризде жибериледи. Ўәкилликли орган сораўнама келип түскен ўақыттан баслап 1 жумыс сааты даўамында QR-кодлы (матрик штрихли код) салық төлеўши сыпатында есапқа қойылғанлығы ҳаққындағы гуўалықты рәсмийлестиреди ҳәмде оны өз ЭСИ менен тастыйықлап, тийисли Мәмлекетлик хызметлер орайына электрон тәризде жибереди.

 Мәмлекетлик хызметлер орайы гуўалық келип түскеннен соң 10 минут даўамында оны арза бериўшиниң электрон мәнзилине жибереди ҳәм арза бериўшини бул ҳаққында ахборот-коммуникация системасы арқалы хабардар қылады. Өзи келип мүражаат еткенде оның сораўына көре Мәмлекетлик хызметлер орайы арза бериўшиге гуўалықты электрон яки қағаз көрнисинде усыныўы мүмкин.

Тахтакөпир районы Мәмлекетлик

хызметлер орайы қәнигеси                                                                    Г.Даулетиярова